Լեհաստանի նախագահ Կարոլ Նավրոցկին հայտարարել է, որ Ռուսաստանը կմնա սպառնալիք Կենտրոնական և Արևելյան Եվրոպայի համար՝ անկախ իր քաղաքական համակարգից։ Նա այդ հայտարարությունն արել է Վիլնյուսում՝ Լիտվայի և Ուկրաինայի նախագահների հետ հանդիպման ժամանակ։
Նավրոցկին նշել է, որ Ռուսաստանը նույն վտանգն է ներկայացնում թե՛ ցարական, թե՛ խորհրդային, թե՛ Պուտինի ժամանակաշրջաններում։ Նրա խոսքով՝ տարածաշրջանի երկրները միշտ ճիշտ են գնահատել ռուսական սպառնալիքը, նույնիսկ երբ Արևմտյան Եվրոպան այն անտեսել է։
Նա ընդգծել է տարածաշրջանային համագործակցության կարևորությունը և գովաբանել Լիտվային ու Լեհաստանին պաշտպանության բարձր ծախսերի համար՝ նշելով, որ Լեհաստանն ունի տարածաշրջանի ամենահզոր բանակներից մեկը։
.gif)
