Միացյալ Նահանգները շուտով նախատեսում է վերականգնել իր դիվանագիտական ներկայությունը Վենեսուելայում։ Այս մասին հայտարարել է ԱՄՆ պետքարտուղար և ԱՄՆ նախագահի ազգային անվտանգության խորհրդական Մարկո Ռուբիոն։
«Մենք կարծում ենք, որ շատ շուտով կկարողանանք տեղում բացել ԱՄՆ դիվանագիտական առաքելություն, ինչը թույլ կտա մեզ ստանալ իրական ժամանակի տեղեկատվություն և փոխազդել, ի դեպ, ոչ միայն ռեժիմի պաշտոնյաների և ժամանակավոր իշխանությունների, այլև քաղաքացիական հասարակության և ընդդիմության ներկայացուցիչների հետ», – ասել է նա ԱՄՆ Սենատի արտաքին հարաբերությունների հանձնաժողովի լսումների ժամանակ։
Պետքարտուղարը նշել է, որ Նիկարագուայում ԱՄՆ նախկին դեսպան Լաուրա Դոգուն կհսկի Վենեսուելայում առաջխաղացման խմբի աշխատանքը՝ սկզբում Բոգոտայից, ապա անմիջապես Կարակասից։ Ռուբիոն նշել է, որ ապագա դիվանագիտական առաքելության շենքն արդեն գնահատվում է Արտաքին գործերի նախարարության ներկայացուցիչների կողմից։ «Մենք արդեն ունեինք 70 տեղացի աշխատակից, որոնք սպասարկում էին այս օբյեկտը, բայց մենք ունենք թիմ, որը գնահատում է այն տեղում», – հավելել է նա։
.gif)
