Հունգարիայի վարչապետ Վիկտոր Օրբանը զգուշացրել է Ուկրաինային, որ կարող է որոշում կայացնել դադարեցնել երկրի էլեկտրաէներգիայի մատակարարումը, եթե այն չվերսկսի ռուսական նավթի տարանցումը «Դրուժբա» խողովակաշարով: Կառավարության ղեկավարը նշել է, որ Սլովակիան արդեն բարձրացրել է այս հարցը:
Հանդես գալով հարավարևելյան Բեկեշչաբա քաղաքում իշխող «Ֆիդեշ-Հունգարական քաղաքացիական միություն» կուսակցության ակտիվիստների հետ հանդիպման ժամանակ՝ Օրբանը հիշեցրել է, որ Ուկրաինայի թշնամական գործողություններին ի պատասխան՝ Հունգարիան դադարեցրել է այնտեղ դիզելային վառելիքի մատակարարումը և որոշել է արգելափակել ԵՄ-ի 90 միլիարդ եվրոյի «պատերազմական վարկը»։
«Կա մեկ այլ հարց, որը ես այժմ ուշադիր ուսումնասիրում եմ։ Ուկրաինայի էլեկտրաէներգիայի զգալի մասը գալիս է Հունգարիայից, և եթե մենք դադարեցնենք դրա մատակարարումը, այնտեղ կարող են լուրջ խնդիրներ առաջանալ։
Սլովակները երեկ բարձրացրել են այս հարցը, և անհրաժեշտության դեպքում մենք նույնպես կձեռնարկենք այս քայլը», – ասել է Օրբանը, որի խոսքերը հեռարձակվել են հունգարական հեռուստատեսությամբ։
.gif)
