Գերագույն խորհրդի նախկին պատգամավոր Ազատ Արշակյանն այսօրվա մամլո ասուլիսում խոսելով քոչարյանական կադրերի նշանակման մասին, ասաց, որ Քոչարյանը Հայաստանին օտար մարդ չէ, նա շատերի հետ աշխատանքային հարաբերություններ ունի: «Քոչարյանը օտար չէ Հայաստանին» ասելով` Արշակյանը նկատի ունի նաև Քոչարյանի մասնակցությունն արցախյան պատերազմին:
Ըստ Արշակյանի` ճիշտ չի ասել Քոչարյանի կադրեր, քանի որ այդ կադրերը կա՛մ պրոֆեսիոնալ մարդիկ, են կա՛մ իշխանություն սիրող, որոնց կարելի է անվանել ճիշտ այդպես, այսինքն` մարդիկ, որոնք անում են այն, ինչ թելադրում են վերևից:
Ասուլիսի մյուս բանախոս, պաշտպանության նախկին փոխնախարար Վահան Շիրխանյանի խոսքով էլ պետք է հասկանալ` իշխանությունն ո՞ւմ է ծառայելու:
«Քոչարյանը երբեք Հայաստանին չի ծառայել, նա ծառայել է իր ամբիցիաներին ու ձգտումներին»,- ասաց Շիրխանյանը:
Ինչ վերաբերում է Հայաստանի` Մաքսային միություն մտնելուն, դա ըստ Շիրխանյանի, կօգնի Հայաստանի արդյունաբերության զարգացմանը:
Armlur.am-ը հետաքրքրվեց` ինչպե՞ս Քոչարյանը չի ծառայել Հայաստանին, եթե նրա օրոք եղել են տնտեսական աճ երկնիշ թվերով, Շիրխանյանն ասաց. «Դրանք շինծու թվեր են: Դրանք «նկարած» թվեր էին»:
Սոնա Դավթյան
.gif)
