Իրանի փոխարտգործնախարար Մաջիդ Թախտ-Ռավանչին հայտարարել է, որ Թեհրանը պատրաստ է հնարավորինս սեղմ ժամկետներում համաձայնության հասնել Միացյալ Նահանգների հետ։
Նրա այս խոսքերը հնչել են ամերիկյան NPR ռադիոկայանին տված հարցազրույցում, որը հրապարակվել է երեքշաբթի օրը՝ Ժնևում նախատեսված միջուկային բանակցությունների հերթական փուլից երկու օր առաջ։
«Մենք բանակցությունների սենյակ կմտնենք անկեղծությամբ և բարի կամքով»,-նշել է Թախտ-Ռավանչին՝ հավելելով, որ հույս ունի՝ Իրանի կառուցողական մոտեցումը կփոխադարձվի ամերիկյան կողմից։
Նրա խոսքով՝ եթե բոլոր կողմերը ցուցաբերեն քաղաքական կամք, ապա գործարքը կարող է ձեռք բերվել հնարավորինս շուտ։ Փոխարտգործնախարարը, ով հանդիսանում է Իրանի գլխավոր բանակցողի տեղակալը, ընդգծել է, որ Ժնևում կայանալիք հանդիպման օրակարգում միակ թեման միջուկային հարցն է։
Բանակցությունները նախատեսվում են անցկացնել Ժնև քաղաքում հինգշաբթի օրը։
Թարգմանությունը՝ Անի Վարդանյանի
.gif)
