Որակի անզիջում ձեռագիր. «Աթենք» ընկերությունն արժանացել է «Վստահության չափանիշ և բարեխիղճ արտադրող» մրցանակին

Հայկական շուկայում սպառողի վստահությունն այն ամենաբարձր նշաձողն է, որին ձգտում են բոլորը, բայց հասնում են միայն լավագույնները։ Օրերս Համազգային վստահության խորհրդի կազմակերպած մրցանակաբաշխության ժամանակ «Աթենք» մսամթերքի ընկերությունը հերթական անգամ փաստեց իր առաջատար դիրքերը՝ արժանանալով հեղինակավոր «Վստահության չափանիշ և բարեխիղճ արտադրող» մրցանակին։

Այս մրցանակը ոչ միայն հերթական ձեռքբերումն է ընկերության պատմության մեջ, այլև այն տասնամյակների հետևողական աշխատանքի տրամաբանական գնահատականը, որն «Աթենք»-ն անմնացորդ մատուցում է իր բազմաթիվ հաճախորդներին։

Ինչո՞ւ հենց «Աթենք»-ը. Որակի և պատասխանատվության բանաձևը

Տարիներ շարունակ «Աթենք» ազգային բրենդը հայ սպառողի մոտ ասոցացվել է բացառիկ թարմության և անփոփոխ որակի հետ։ Սակայն ի՞նչն է թաքնված այս հաջողության թիկունքում.

Ընկերությունն առաջնորդվում է արտադրական ամենախիստ չափանիշներով՝ կիրառելով ISO 22000 և HACCP համակարգերը։ Սա նշանակում է, որ յուրաքանչյուր արտադրատեսակ անցնում է բազմափուլային լաբորատոր ստուգում՝ նախքան սպառողի սեղանին հասնելը։ Նորագույն եվրոպական սարքավորումների և ավանդական, սիրված բաղադրատոմսերի համադրումը թույլ է տալիս ստեղծել մրցունակ արտադրանք, որը պատվով է ներկայանում նաև արտասահմանյան շուկաներում։ «Բարեխիղճ արտադրող» տիտղոսը պատահական չէ. այն փաստում է ընկերության թափանցիկ աշխատանքի, գործընկերների հետ ազնիվ հարաբերությունների և սպառողի հանդեպ ունեցած բարձր պատասխանատվության մասին։ Այս համատեքստում առանցքային է նաև սպառողի հետ հաստատված անմիջական և ակտիվ հետադարձ կապը։ «Աթենք»-ն այն եզակի ընկերություններից է, որը յուրաքանչյուր արձագանք դիտարկում է որպես զարգացման հնարավորություն. օպերատիվ կերպով արձագանքելով առաջացած հարցերին՝ ընկերությունն ապահովում է որակի շարունակական բարելավում և կատարելագործում՝ սպառողի կարիքները դարձնելով իր արտադրական օրակարգի հիմնաքարը։

«Աթենք»-ն այսօր. Թվեր, որոնք խոսուն են

Ընկերության մասշտաբներն ու ազդեցությունը տնտեսության մեջ լավագույնս արտացոլվում են տպավորիչ վիճակագրությամբ.

2 գործարան՝ Գետամեջի արտադրական համալիր

և Երևանի կիսապատրաստվածքի գործարան,

Շուրջ 1600 աշխատակից,

38 ֆիրմային խանութ Երևանում և մարզերում,

250+ ապրանքատեսակ,

7200+ վաճառքի կետերում ներկայություն։

«Աթենք»-ը շարունակում է ընդլայնել իր աշխարհագրությունն ու տեսականին՝ ներկայացնելով նոր ու հետաքրքիր համեր, որոնք բավարարում են անգամ ամենախիստ քիմքին։ Այս մրցանակը ևս մեկ անգամ ապացուցեց՝ երբ գործի հիմքում դրվում է սերն ու ազնվությունը, արդյունքն անխուսափելիորեն դառնում է համազգային վստահությունը։ (Գ)