Թրամփը վստահ է վառելիքի գները շուտով կնվազեն

Վառելիքի բարձր գները երկար չեն տևի և շուտով դրանց կհաջորդի զգալի անկում։ Սա ԱՄՆ նախագահ Դոնալդ Թրամփի պնդումն էր CNN-ին տված հարցազրույցում։

«Դա նորմալ է, երկար չի տևի, և շատ շուտով զգալի անկում կլինի», – լրագրող Դանա Բաշը մեջբերել է ամերիկացի առաջնորդի խոսքերը հեռուստաալիքի եթերում, երբ նրան հարցրել են վառելիքի գների բարձրացման մասին։ Նա ավելի վաղ հեռախոսով խոսել էր նախագահի հետ։

Սպիտակ տունը համաձայն չէր լրագրողի այն պնդման հետ, որ բենզինի գների աճը զգալի է թվում։ «Ոչ, դրանք (վառելիքի գները – խմբ.) միայն մի փոքր են բարձրացել, բայց կիջնեն մինչև ռեկորդային ցածր մակարդակ», – ամերիկացի առաջնորդի խոսքերը մեջբերել է Բաշը։

Ամերիկյան ավտոմոբիլային ասոցիացիայի (AAA) տվյալներով՝ ԱՄՆ-ում վառելիքի միջին գինը ուրբաթ օրը՝ Իրանի դեմ ռազմական գործողությունների սկսվելուց հետո, հասել է 3.32 դոլարի մեկ գալոնի համար։ Ընդամենը մեկ շաբաթ առաջ այս ցուցանիշը կազմել է 2.98 դոլար։ Մեկ տարի առաջ՝ ԱՄՆ ներկայիս վարչակազմի ղեկավարման սկզբում, վառելիքի գները կազմում էին 3.1 դոլար մեկ գալոնի համար։