Ի՞նչ ունեցվածքով հեռացավ Գորիսի փոխքաղաքապետ Իրինա Յոլյանը պաշտոնից

Սյունիքի մարզի Գորիս համայնքի ղեկավարի տեղակալ Իրինա Յոլյանը հայտարարել է, որ դիմում է ներկայացրել և հեռանում է զբաղեցրած պաշտոնից։ Նա Գորիսի համայնքապետարանի ղեկավարի տեղակալի պաշտոնը ստանձնել էր 2022 թվականի հունիսի 16-ին։

Յոլյանը հայտնել է, որ որոշել է ավարտել աշխատանքը համայնքապետարանում՝ նշելով, որ պատրաստվում է իր կուտակած գիտելիքն ու փորձը կիրառել այլ՝ ավելի լայն ոլորտում։

ArmLur.am-ը  ուսումնասիրել է պաշտոնյայի վերջին հայտարարագիրը և պարզել, թե ինչ գույքով և ֆինանսական միջոցներով է նա հեռանում պաշտոնից։

Հայտարարագրի համաձայն՝ Իրինա Յոլյանը ունի 1 միավոր անշարժ գույք՝ բնակարան Գորիս քաղաքում, որը ձեռք է բերել 2018 թվականի փետրվարի 13-ին գնման միջոցով։

Միևնույն ժամանակ հայտարարագրում տրանսպորտային միջոց չի նշվել, այսինքն՝ նա մեքենա չի հայտարարագրել։

Ֆինանսական տվյալների համաձայն՝ պաշտոնյան ունի բանկային հաշիվների մնացորդ և կանխիկ դրամ, ինչպես նաև տարվա ընթացքում ստացել է աշխատավարձ և քաղաքացիաիրավական պայմանագրերից եկամուտներ։

Հայտարարագրային տվյալներ

Անշարժ գույք

• 1 միավոր բնակարան՝ Գորիս
• Ձեռքբերման տարեթիվ՝ 13․02․2018
• Ձեռքբերման ձև՝ գնում  

Տրանսպորտային միջոց

• Չի հայտարարագրել

Բանկային հաշիվների մնացորդ

• 500,000 դրամ
• 

Կանխիկ դրամ

• Տարվա սկզբին՝ 1,500,000 դրամ
• Տարվա վերջում՝ 300,000 դրամ

Հաշվետու տարվա եկամուտներ

• Քաղաքացիաիրավական պայմանագրերից եկամուտ – Վիննեթ Գորիս զարգացման հիմնադրամ
  1,035,500 դրամ
• Աշխատավարձ – Գորիսի համայնքապետարանի աշխատակազմ
  3,663,568 դրամ
• Քաղաքացիաիրավական պայմանագրերից եկամուտ – Հայաստանի սոցիալական աշխատողների ասոցիացիա
  1,019,000 դրամ

Ընդհանուր եկամուտ

• 5,718,068 դրամ
• 

Վարկի մնացորդ (հաշվետու տարվա վերջում)

• 4,752,250 դրամ
• Տեսակը՝ հիպոտեկային վարկ
• Հիպոտեկի առարկա՝ բնակարան

Սոնա Գրիգորյան