Կաթողիկիսի հրաժարականը պահանջող եպիսկոպոսը դիմում է գրել

Ն. Ս. Օ. Տ. Տ. Գարեգին Երկրորդ Ամենայն Հայոց Կաթողիկոսի՝ մարտ 16, 2026 թվակիր Հայրապետական տնօրինությամբ Վայոց Ձորի թեմի առաջնորդ Գերաշնորհ Տ. Աբրահամ արքեպիսկոպոս Մկրտչյանը ազատ է կացուցվել թեմակալ առաջնորդի պաշտոնից և կոչվել հանգստյան՝ իր գրավոր և բանավոր դիմումների հիման վրա։

Հայրապետական տնօրինությամբ Սյունյաց թեմի առաջնորդ Գերաշնորհ Տ. Մակար եպիսկոպոս Հակոբյանը համատեղության կարգով նշանակվել է Վայոց Ձորի թեմի առաջնորդական տեղապահ՝ իրականացնելու թեմակալ առաջնորդի պարտականությունները։

Հիշեցնենք, որ Գերագույն հոգևոր խորհրդի կազմից հեռացված Տեր Աբրահամ արքեպիսկոպոս Մկրտչյանը, Տեր Վազգեն արքեպիսկոպոս Միրզախանյանը և Տեր Գևորգ եպիսկոպոս Սարոյանը այն 10 բարձրաստիճան հոգևորականների թվում են, որոնք պահանջում են Ամենայն հայոց կաթողիկոսի հրաժարականը։ Դեկտեմբերի 18-ին բարձրաստիճան 10 հոգևորականները Ամենայն Հայոց կաթողիկոսի հրաժարականի պահանջով նամակը փոխանցել են Մայր Աթոռի քարտուղարությանը։