«Կուռառա» ռոք խումբը Հայաստանում է

«Կուռառա» ինդի ռոք խումբը Հայաստանում երկու համերգ կունենա՝ Գյումրիում և Երևանում։

«Կուռառա»-ն Ուրալի կենդանի լեգենդներից է՝ 20-ամյա պատմությամբ և 10 ստուդիական ալբոմներով։ Ռուսական ինդի-ռոք խումբը հիմնադրվել է 2003 թվականին Եկատերինբուրգում։ Խումբը ձևավորվել է «Շամանա» նախագծի հիմքի վրա և համարվում է ժամանակակից Ուրալի երաժշտական շարժման կարևոր ներկայացուցիչներից։ 

«Կուռառա»-ի երաժշտությունը միավորում է ինդի ռոքը, փոփ-ռոքը, dream pop-ը և այլ ժամանակակից ուղղություններ՝ ստեղծելով յուրահատուկ և հեշտ ճանաչելի հնչողություն։ Խմբի ստեղծագործություններն առանձնանում են հուզականությամբ, խորքային տեքստերով և ժամանակակից երաժշտական մտածողությամբ, ինչը նրանց ապահովել է հավատարիմ լսարան և հատուկ տեղ ռուսական ռոք բեմում։

Խմբի առաջատար դեմքերից է Օլեգ Յագոդինը, ով ոչ միայն երաժիշտ է, այլև թատրոնի դերասան, ինչը զգալի ազդեցություն ունի «Կուռառա»-ի բեմական ներկայացման և արտահայտչականության վրա։ 

Տարիների ընթացքում Կուռառան թողարկել է մի շարք ստուդիական ալբոմներ և դարձել  Ուրալի ժամանակակից երաժշտական մշակույթի «այցեքարտերից» մեկը՝ հաջողությամբ հանդես գալով տարբեր փառատոներում և համերգային հարթակներում։ 

Այսօր խումբը շարունակում է ակտիվ ստեղծագործական գործունեություն ծավալել՝ պահպանելով իր ինքնատիպ ոճը և զարգացնելով նոր երաժշտական ուղղություններ։