Իրանի «Խաթամ ալ-Անբիա» կենտրոնական շտաբի խոսնակը հայտարարել է, որ Թեհրանը չի նախատեսում ականապատել Պարսից ծոցը՝ ԱՄՆ-ի և Իսրայելի հետ շարունակվող ռազմական լարվածության պայմաններում։
Հայտարարության մեջ նշվում է, որ Իրանը լիարժեք վերահսկողություն ունի ինչպես Պարսից ծոցի, այնպես էլ Օմանի ծովի տարածքային ջրերի նկատմամբ և «խելամիտ ու հզոր կերպով վերահսկում է Հորմուզի նեղուցը»։
Խոսնակի խոսքով՝ այդ գերակայության և բավարար հնարավորությունների պայմաններում ականապատման անհրաժեշտություն չկա, սակայն անհրաժեշտության դեպքում Իրանը կկիրառի բոլոր հասանելի միջոցները՝ ապահովելու անվտանգությունը։
Նա նաև ընդգծել է, որ Իրանի զինված ուժերը, համագործակցելով տարածաշրջանի երկրների հետ, ի վիճակի են ապահովել Պարսից ծոցի անվտանգությունը, և արտատարածաշրջանային ուժերը իրավունք չունեն միջամտելու այս տարածաշրջանին։
Միևնույն ժամանակ նշվում է, որ ԱՄՆ-ն և Իսրայելը լայնածավալ ռազմական գործողություններ են սկսել Իրանի դեմ՝ փետրվարի 28-ին Իսլամական հեղափոխության առաջնորդ Այաթոլլա Սեյեդ Ալի Խամենեիի, ինչպես նաև բարձրաստիճան հրամանատարների և քաղաքացիական անձանց սպանությունից հետո։
Հարվածները ներառել են օդային լայնածավալ հարձակումներ Իրանի տարբեր հատվածներում՝ թիրախավորելով ինչպես ռազմական, այնպես էլ քաղաքացիական օբյեկտներ, ինչի հետևանքով կան մեծ թվով զոհեր և ենթակառուցվածքների զգալի վնասներ։
Ի պատասխան՝ Իրանի զինված ուժերը իրականացրել են պատասխան գործողություններ՝ հրթիռների և անօդաչու թռչող սարքերի միջոցով հարվածելով ամերիկյան և իսրայելական դիրքերին ինչպես տարածաշրջանում, այնպես էլ օկուպացված տարածքներում։
Թարգմանությունը՝ Անի Վարդանյանի
.gif)
