Թուրքիայի նախագահ Ռեջեփ Թայիփ Էրդողանը շաբաթ օրը Ստամբուլում Վլադիմիր Զելենսկիի հետ բանակցությունների ժամանակ ընդգծել է Սև ծովում անվտանգ նավարկության կարևորությունը։
«Հանդիպման ժամանակ նախագահ Էրդողանը հայտարարել է, որ Թուրքիան կշարունակի աջակցել Ուկրաինայի և Ռուսաստանի միջև բանակցություններին, քանի որ մեր տարածաշրջանը կարիք ունի ավելի մեծ խաղաղության և կայունության», – հայտնել է Թուրքիայի ղեկավարի գրասենյակը։
Էրդողանը նաև նշել է, որ Անկարան «մեծ նշանակություն է տալիս Սև ծովում նավարկության անվտանգությանը և կարևոր է համարում էներգամատակարարման անվտանգության ապահովումը»։
Նա հայտարարել է, որ Թուրքիան մտադիր է մեծացնել Ուկրաինայի հետ փոխադարձ առևտրի ծավալը, ինչպես նաև գոհունակություն է հայտնել Կիևի և Պարսից ծոցի երկրների միջև հարաբերությունների զարգացման կապակցությամբ։
.gif)
