2014 թ. 3 ամիսների ընթացքում ոստիկանության ստորաբաժանումների կողմից ՀՀ տարածքում առգրավվել, հայտնաբերվել կամ բնակչության կողմից կամավոր հանձնվել է 442 միավոր հրազեն, որը նախորդ տարվա նույն ժամանակահատվածի համեմատ ավել է 211 միավորով :
Միաժամանակ առգրավվել, հայտնաբերվել կամ բնակչության կողմից կամավոր հանձնվել է 13 միավոր միավոր օդամղիչ ու գազային հրազեն: Հաշվետու ժամանակահատվածում արձանագրված 442 միավոր հրազենից 27-ը` առգրավվել է, 41-ը՝ հայտնաբերվել, իսկ 374-ը` հանձնվել կամավոր: Նշված 442 միավոր հրազենից 24-ը եղել է ատրճանակ, 50-ը` ինքնաշեն ատրճանակ , 19-ը` ինքնաշեն կրակող սարք, 22-ը` ինքնաձիգ, 4-ը` ինքնաշեն ինքնաձիգ, 310-ը` գործարանային եւ ինքնաշեն տարբեր տեսակի հրացաններ, 11-ը` գործարանային եւ ինքնաշեն տարբեր տեսակի նռնականետ, 2-ը` գնդացիր:
Միաժամանակ հայտնաբերվել կամ առգրավվել է տարբեր տրամաչափի փամփուշտ 35843, 16.0 մետր դետոնացիոն քուղ, 82 միավոր սառը զենք, տարբեր տեսակի 164 նռնակ, 11 միավոր ինքնաշեն նռնակ, նռնակի 250 պայթուցիչ, 47 հատ պայթուցիկ սարք, 6.8 կգ պայթուցիկ նյութ, 22 հատ ական եւ արկ, 68 հատ ճայթիչ եւ այլն:
Հաշվետու ժամանակահատվածում Երեւան քաղաքում ոստիկանության ստորաբաժանումների կողմից առգրավել, հայտնաբերվել կամ կամավոր հանձնվել է 31 միավոր հրազեն: Համաձայն ՀՀ ոստիկանության 2014 թ. հիմնական կազմակերպչական միջոցառումների պլանի 2.1.1 կետի պահանջների` ապրիլի 3-ից մայիսի 3-ը ՀՀ ոստիկանության քրեական հետախուզության գլխավոր վարչության եւ ոստիկանության տարածքային մարմինների ուժերով Հայաստանի Հանրապետության տարածքում անց է կացվելու օպերատիվ-կանխարգելիչ «Զինանոց-2014» միջոցառման 1-ին փուլը:
ՀՀ Ոստիկանություն
.gif)
