Պետերբուրգյան «Զենիթի» բելգիական կիսապաշտպան Աքսել Վիտսելը իր աջակցությունն է հայտնել կատալոնյան «Բարսելոնայի» բրազիլական պաշտպան Դանի Ալվեսին:
Դանի Ալվեսը Իսպանիայի առաջնության երեկվա «Վիլյարրեալ»- «Բարսելոնա» հանդիպման ընթացքում զարմանալի միջադեպի մասնակից դարձավ: Այն ժամանակ, երբ Ալվեսը պատրաստվում էր անկյունայինի՝ նրա կողմը բանան նետեցին: Սակայն բրազիլացի ֆուտբոլիստը չընկրկեց, վերցրեց բանանը, և մինչև փոխանցում անելը, համտեսեց այն:
«Մենք բոլորս էլ կապիկներ ենք: Ո՛չ ռասիզմին», – գրել է Վիտսելը Instagram-ում՝ ավելացնելով իր լուսանկարը: Լուսանկարում Վիտսելը պատկերված է բանան ուտելիս:
Ավելի վաղ իրենց հայրենակից Դանի Ալվեսին աջակցություն էին հայտնել նաև «Զենիթի» հարձակվող Հալկը և Մախաչկալայի «Անժի» թիմի պաշտպան Ռոբերտո Կառլոսը:
Հալկն ու Կառլոսը լուսանկարվել են բանան ուտելիս և տեղադրել լուսանկարները Instagram-ում:
Հալկն իր ընկերների հետ բանան է ուտում
Ռոբերտո Կառլոսը բանան ուտելիս
«Բարսելոնայի» բրազիլացի հարձակվող Նեյմարը առաջինն էր, ով նման ինքնատիպ կերպով սատարեց իր թիմակից և հայրենակից Ալվեսին:
«Մենք բոլորս կապիկներ ենք», – գրել էր Նեյմարը Instagram-ի իր էջում և տեղադրել համապատասխան լուսանկարը:
Տեսանյութում կարող եք դիտել Ալվեսի հետ տեղի ունեցած «բանանային» միջադեպը:
.gif)
