Այսօր Ազգային ժողովում հարցուպատասխանի ժամանակ ՀԱԿ խմբակցության պատգամավոր Նիկոլ Փաշինյանն ընդգծեց, որ բոլորն այսօր շնորհավորում են կառավարության նոր և վերանշանակված նախարարներին, սակայն ինքը չի շնորհավորում:
Այս հայտարարությանը արձագանքեց ԱԺ նորընտիր նախագահ Գալուստ Սահակյանը. «Հայկական սովորույթի համաձայն` հյուրերին ջերմ է պետք ընդունել»:
Փաշինյանն էլ հակադարձեց, որ խոստանում է հաջորդ անգամ ավելի ջերմ ընդունել նախարարներին:
«Պարզապես առաջին անգամ է, և հնարավոր է` կառավարության անդամներն այդքան ջերմությանը չդիմանան», – նշեց նա:
Արդարադատության նախարարի պաշտոնակատար Հրայր Թովմասյանն էլ նշեց, որ արդեն իսկ պարզ էր, որ Փաշինյանը չի շնորհավորելու, ու պատմեց անեկդոտ, որ մեկի գերեզմանին քար են դնում, վրան գրված` բոլորի կողմից՝ բացի Վալոդից:
Փաշինյանն էլ արձագանքեց, թե հույս ունի, որ Վալոդ անունով անձը կհամալրի արդարադատության նախարարության անձնակազմի շարքերը:
«Ի դեպ, հենց Վալոդն է նշանակվելու Ձեր փոխարեն` որպես արդարադատության նախարար»,- նշեց նա:
.gif)
