Հովիկ Աբրահամյանի՝ ՀՀ վարչապետ նշանակումից հետո ակտիվորեն լուրեր շրջանառվեցին այն մասին, որ շուտով իր պաշտոնին հրաժեշտ է տալու նաև Արագածոտնի մարզպետ Սարգիս Սահակյանը:
Արդեն տևական ժամանակ է, որ քննարկվում է նոր մարզպետի հավանական թեկնածուների անունները:
Ըստ շրջանառվող տեղեկությունների՝ Արագածոտնի մարզպետ Սարգիս Սահակյանին այդ «պոստում» կփոխարինի ՀՀ սպորտի և երիտասարդության հարցերի նախարարի տեղակալ Խաչիկ Ասրյանը:
Armlur.am-ը փորձեց Սարգիս Սահակյանից ճշտել՝ վերջինս արդեն հրաժարականի դիմում ներկայացրել է, թե՝ ոչ: Սակայն մարզպետը մեր հարցը լսելուց հետո բորբոքվեց:
«Ինձ անորոշ հարցերով մի՛ զանգահարեք: Նման հարց չտաք ինձ մյուս անգամ»,-վրդովված հայտարարեց մեր զրուցակիցն ու անջատեց հեռախոսը:
.gif)
