«Մեկը մեկից անորակ Բնապահպանության նախարարներ ենք ունեցել. սկզբից Վարդան Այվազյան, հետո` Արամ Հարությունյան»,- այսօր կայացած ասուլիսի ընթացքում այս մասին նշեց բնապահպան Արթուր Գրիգորյանը:
«Նորանշանակ նախարար Արամայիս Գրիգորյանի մասին դեռ բան չեմ կարող ասել: Կա անմեղության կանխավարկած: Կսպասենք նրա գործին», – նշեց նա:
Նրա խոսքով, նախկին նախարար Արամ Հարությունյանն այս ընթացքում զբաղված է եղել միայն իր բիզնես շահերով, այլ ոչ թե բնապահպանական խնդիրները լուծելով:
Նա անդրադարձավ նաև «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքի նախագծին, որն ընդունվել էր Ազգային Ժողովում: Արթուր Գրիգորյանը նշեց, թե այս որոշումը լուրջ խնդիրներ է առաջացնելու հետագայում:
Հիշեցնենք, որ այդ օրենքով 2019 թվականը Սևանա լճից ջրի բաց թողման տարեկան չափաքանակը սահմանվում է առավելագույնը 240 միլիոն խոր. մ. ներկայիս 170 միլիոն խոր. մ. դիմաց։
.gif)
