Ամուսնու սիրուհու անունով և մերկ լուսանկարով էջ է բացել համացանցում

37-ամյա Ռուզաննա Սնջոյանը խանդից դրդված անհավանական քայլի է դիմել:

Armlur.am-ին հայտնի տեղեկությունների համաձայն` 2013թ. նոյեմբերի 10-ին Սնջոյանը ամուսնու նախկին սիրուհու` Գայանե Խուդոյանի անվամբ էջ է բացել «Օդնոկլասսնիկի.ռու» կայքում և տեղադրել վերջինիս մերկ լուսանկարը:

Փաստի առթիվ Ոստիկանության Շենգավիթի բաժնում հարուցվել է քրեական գործ:

Գործն այս պահին գտնվում է Շենգավիթ վարչական շրջանի ընդհանուր իրավասության դատարանում` դատավոր Նելլի Բաղդասարյանի վարույթում:

Մեղադրական եզրակացությունից տեղեկանում ենք, որ Սնջոյանին մեղադրանք է առաջադրվել ՀՀ Քրեական օրենսգրքի 144 հոդվածով, որը նախատեսում է պատիժ` տուգանքով՝ նվազագույն աշխատավարձի երկուհարյուրապատիկից հինգհարյուրապատիկի չափով, կամ ուղղիչ աշխատանքներով՝ առավելագույնը մեկ տարի ժամկետով, կամ կալանքով՝ մեկից երկու ամիս ժամկետով:

Այսինքն` Սնջոյանը տարածել է Գ.Խուդոյանի վերաբերյալ անձնական գաղտնիք պարունակող տեղեկություն:

Սնջոյանի նկատմամբ խափանման միջոց է ընտրվել սորագրությամբ չհեռանալը:

ԿԱՐԴԱՑԵՔ ՆԱԵՎ

Նման նյութեր