Էջմիածնի Մայր տաճարում Արցախյան պատերազմում զոհված բոլոր ազատամարտիկների համար հոգեհանգստյան պատարագ անցկացնելուց հետո Երկրապահ Կամավորական Միության անդամները պարգևատրվեցին ՀՀ նախագահ Սերժ Սարգսյանի, ԼՂՀ նախագահ Բակո Սահակյանի և ՀՀ վարչապետ Հովիկ Աբրահամյանի կողմից:
ԵԿՄ վարչության կողմից «Վազգեն Սարգսյան» շքանշանով պարգևատրվեցին ՀՀ վարչապետ Հովիկ Աբրահամյանը, Ամենայն Հայոց կաթողիկոս Գարեգին Բ-ն, պաշտպանության փոխնախարար Դավիթ Տոնոսյանը:
ԵԿՄ տոնի առթիվ պարգևատրվեցին նաև Ազգային Ժողովի նախագահ Գալուստ Սահակյանը, ԱԺ փոխնախագահ Էդուարդ Շարմազանովը, պատգամավորներ Արտակ Զաքարյանը, Կորյուն Նահապետյանը:
«Դրաստամատ Կանայան» մեդալով պարգևատրվեց նաև Էջմիածնի քաղաքապետ Կարեն Գրիգորյանը:
Հիշեցնենք, որ այսօր երկրապահների օրն է: Առավոտյան ՀՀ բարձրաստիճան անձինք Եռաբլուրում հարգանքի տուրք մատուցեցին Արցախյան հերոսամարտում զոհվածների հիշատակին, որից հետո Էջմիածնում մատուցվեց հոգեհանգստյան պատարագ: Նշենք, որ այն անցկացվում էր Հայաստանի, Արցախի և Սփյուռքի 11 թեմերում։
.gif)
