Ինչպես արդեն հայտնել էինք, հունիսի 8-ին Ջերմուկ քաղաքում կայանալու են քաղաքապետի ընտրություններ: Թեկնածուներն այս պահին երեքն են՝ գործող քաղաքապետ Վարդան Հովհաննիսյանը, «Հայջրնախագիծ ինստիտուտ» ՓԲԸ ավագ տեխ. հսկիչ Ազատ Հովակիմյանը և «Ջերմուկշին» ՓԲԸ տնօրեն Կորյուն Ստեփանյանը:
Կորյուն Ստեփանյանը armlur.am-ի հետ զրույցում նշեց, որ ընտրություններին մասնակցելու որոշումն ինքնուրույն է կայացրել:
«Հաղթելու շանսերի մասին չեմ կարող ասել` ժողովրդից է կախված: Ժողովուրդը պետք է իր ընտրությունը կատարի», – ասաց թեկնածուն, հավելելով, որ արդեն տեղյակ է, թե ովքեր են իր մրցակիցները: Մեր զրուցակիցը հայտարարեց նաև, որ ամեն ինչ պարզ կլինի հենց ընտրության օրը:
Քաղաքապետի թեկնածուն ասաց, որ արդար ընտրությունների է սպասում, և գործող քաղաքապետի կողմից հնարավոր կեղծիքների կամ ճնշումների մասին խոսելը ճիշտ չէ:
Կորյուն Ստեփանյանն արդեն ծրագրել է այն խնդիրները, որոնք պետք է լուծի ընտրվելու դեպքում. «Աղբահանություն, մաքրություն, կանաչապատում, իսկ ամենակարևորը, աշխատատեղեր ստեղծելը, որ արտագաղթը կանխվի: Տարիներ շարունակ երբեք Ջերմուկից արտագաղթ չի եղել, խոպան էլ չեն գնացել, իսկ հիմա մեծ քանակությամբ Ջերմուկից գնում են: Պետք է իմ նպաստը բերեմ՝ իմ երկրին օգտակար լինելու համար», – ընդծեց նա:
.gif)
