Երազանքների երկիր Իսլանդիան (ֆոտո)

Իսլանդիան՝ սառույցների կամ սառցե երկիրը, կղզիներից բաղկացած պետություն է, որը տեղակայված է Ատլանտյան օվկիանոսի հյուսիսային մասում: Պետության տարածքը ներառում է Իսլանդիա կոչվող կղզին, որը  103 հազար կմ² -ի տարածքով, և նրան հարակից կղզյակներով: Մայրաքաղաքը՝ Ռեյկյավիկն է:

Իսլանդիայի բնակեցումն սկսվել է մոտ 870 թ.-ին։ Գաղութաբնակների մեծ մասը նորվեգացիներ էին, կային նաև իռլանդացիներ, շոտլանդացիներ և շվեդներ։ Նրանք կղզին անվանեցին Island՝ «Սառույցի երկիր»։

Իսլանդիայի տարածքի 6%-ը զբաղեցնում են լավային դաշտերը և հրաբխային գործունեության այլ հետքեր։ Տարածված են հին սառցադաշտերի հատակային, վերջնային ու կողային մորեններն ու զանդրային հարթությունները, մերձափնյա շրջաններում, գլխավորապես արևմուտքում և հարավում՝ դաշտավայրերը։

Հաճախակի են երկրաշարժերը։ Օգտակար հանածոներից են սպաթն ու ծծումբը։ Կան տաք ջրեր, գերտաք գոլորշի, հանքային աղբյուրներ, ոչ մեծ քանակությամբ տորֆ, լիգնիտ։