Ընթացիկ տարվա մարտ ամսվա վերջի դրությամբ մեր երկրի համախառն պետական պարտքը կազմել է 1 տրիլիոն 883 մլրդ 092.1 մլն ՀՀ դրամ (շուրջ 4,56 մլրդ ԱՄՆ դոլար), որի մոտ 85%-ը կազմել է արտաքին պարտքը, մնացյալը՝ ներքին պարտքը:
Ըստ պաշտոնական վիճակագրության՝ տարեսկզբի համեմատ մեր երկրի համախառն պետական պարտքն աճել է, ընդ որում՝ աճել է ինչպես ներքին, այնպես էլ արտաքին պարտքը: Արտաքին պարտքի գերակշիռ մասը կազմել է ՀՀ կառավարության պարտքը:
Հայաստանի արտաքին պետական պարտքի զգալի մասը կազմում են բազմակողմային վարկային ծրագրերը (Համաշխարհային բանկ, Եվրամիություն, Արժույթի միջազգային հիմնադրամ և այլն):
Նշենք, որ 2013 թվականի վերջի դրությամբ Հայաստանի համախառն պետական պարտքը կազմել է 1 տրիլիոն 861 մլրդ 265.9 մլն ՀՀ դրամ:
.gif)
