Ռեժիսոր Աշոտ Ադամյանը, armlur.am-ի հետ զրույցում անդրադառնալով Կարեն Դեմիրճյանի անվան մարզահամերգային համալիրի աճուրդին, ասաց, որ իրեն չի վախեցնում այդ փաստը: Այլ հարց է` ով է գնելու շենքը, ինչպես է այն շահագործելու, արդյոք այն կօգտագործի այնպես, ինչպես հիմա են օգտագործում:
Տիկնիկային թատրոնի գեղարվեստական ղեկավար Ռուբեն Բաբայանն էլ մեզ հետ զրույցում ևս կարևորեց կառույցի հետագա ճակատագիրը:
«Եթե կառույցի ապագա սեփականատերը շենքը օգտագործի որպես մարզահամերգային համալիր, շատ լավ, իսկ եթե դա կդառնա սուպերմարկետ կամ մոլ, արդեն վատ է»,- կարծում է արվեստագետը:
Մտավորականը հիշեցնում է` վատ նախադեպեր արդեն եղել են. որոշ կինոթատրոններ վերածվել են առևտրային կենտրոնների, հետևաբար դրանից խուսափելու համար անհրաժեշտ է՝ առքուվաճառքի պայմանագրում անպայման հստակեցվի կառույցի հետագա գործունեությունը:
«Պարտադիր չէ, որ կառույցը լինի պետական, քանի որ շատ պետական կառույցներ վատ են աշխատում, և պետությունը կարող է փչացնել այն»,- եզրափակեց Բաբայանը:
Սոնա Դավթյան
.gif)
