ՀՀ նախագահ Սերժ Սարգսյանն այսօր ընդունել է “Ռոսսելխոզբանկ “-ի խորհրդի նախագահ Դմիտրի Պատրուշևի գլխավորած պատվիրակությանը:ՀՀ նախագահի մամլո գրասենյակից armlur.am -ին տեղեկացնում են, որ հանրապետության ղեկավարը բանկի պատվիրակության հետ քննարկել է մեր երկրում “Ռոսսելխոզբանկ”-ի գործունեության հնարավորությունները:Արդյունավետ գործունեություն ծավալելու դեպքում, ըստ նախագահի, “Ռոսսելխոզբանկ”-ը կարող է իր որոշակի ներդրումն ունենալ նաև հաջողությամբ զարգացող հայ-ռուսական առևտրատնտեսական հարաբերություններում:Բանկի խորհրդի նախագահ Դմիտրի Պատրուշևը Ս. Սարգսյանին ներկայացրել է “Ռոսսելխոզբանկ”-ի գործունեության հիմնական ուղղություններն ու ծրագրերը` ընդգծելով, որ բանկը նպատակ ունի Հայաստանում համագործակցություն ծավալել գյուղատնտեսության ոլորտում՝ նպաստելով ագրոարդյունաբերական համալիրի զարգացմանը: Իբրև առաջին քայլ, Դ Պատրուշևի հավաստմամբ, նախատեսվում է Հայաստանում “Ռոսսելխոզբանկ”-ի ներկայացուցչության հիմնում:Ս. Սարգսյանը հաջողություններ է մաղթել Ռոսսելխոզբանկ-ին` ծրագրերի իրականացման գործում:
.gif)
