Երևի Սերժ Սարգսյանին են սպասում

Ավտովարորդների պաշտպանության լիգայի նախագահ Տիգրան Հովհաննիսյանն այսօրվա մամլո ասուլիսում բարձրաձայնեց կարմիր գծերի, արագաչափերի պատճառով առաջացող մեծ տուգանքների մասին:

Հովհաննիսյանի խոսքով`  շատ վարորդներ չեն կարողանում վճարել տուգանքները: Խնդիրը լուծելու համար մշակվում է օրենք, որին չեն մասնակցում վարորդները և տեղյակ չեն` ինչ օրենք է մշակվում՝ առանց իրենց մասնակցության:

«Գիտեք, տպավորությունն այնպիսին է, որ մեր պատկան այրերը ցանկանում են մեր բարձրացրած հարցերը լուծել, բայց, կարծես թե, ինչ-որ բանի կամ ինչ-որ մեկի են սպասում: Երևի նախագահի խոսքին են սպասում»,- կարծում է  բանախոսը:

Ավտովարորդների պաշտպանության լիգայի նախագահը կոչով դիմեց նաև ՀՀ վարչապետ Հովիկ Աբրահամյանին՝ լուծում տալ վարորդների բարձրացրած հարցերին:

Սոնա Դավթյան