Կառավարության օրակարգի հարցերի քննարկումից հետո վարչապետ Հովիկ Աբրահամյանը հիշեցրեց, որ ԱԺ-ում այսօր էլ շարունակվում է կառավարության ծրագրի քննարկումը: «Բոլորը դեպի ԱԺ»,- ասաց վարչապետը:
Նիստի ավարտից հետո ԱԺ շտապող նախարարներից երկուսը` բնապահպանության և առողջապահության նախարարներ Արամայիս Գրիգորյանն ու Արմեն Մուրադյանը պատասխանեցին լրագրողների մի քանի հարցին:
Արամայիս Գրիգորյանը, ի պատասխան հարցին` ինչպես կգնահատեք նախորդ նախարար Արամ Հարությունյանի գործունեությունը, չցանկացավ որևէ գնահատական տալ, միայն ասաց, որ ստացել է այն ժառանգությունը, որը կա:
Նախարարի խոսքով` անելիքներ շատ. «Արդեն հանդիպել ենք մի շարք հասարակական կազմակերպությունների հետ, առաջիկայում էլ նախատեսված է հանդիպում գիտնականների հետ: Հանդիպման նպատակն է հստակեցնել մեր ճանապարհը, որով առաջնորդվելու ենք»:
Ինչ վերաբերում է կադրային փոփոխություններին, նախարարն ասաց, որ այն մարդիկ, որոնք ուզում են աշխատել, կարողանում են կատարել հանձնարարությունները, նրանքկաշխատեն, իսկ եթե չեն կարողանան հանձնարարությունները կատարել, իրենց տեղը կզիջեն:
Սոնա Դավթյան
.gif)
