Վրաստանի խորհրդարանի շենքի առջեւ տեղի է ունեցել “Դատարկ կաթսաների” ակցիան,-գրում է Georgia onlin -ը։ Ակցիան նախաձեռնել է “Գործազուրկների միությունը”։ Ցուցարարները, հարվածելով դատարկ կաթսաներին, անցել են Թբիլիսիի Ռուսթավելի պողոտայով։ Նրանք ընդգծել են, որ իրենք աղքատության շեմին են եւ ցանկանում են սնվել։ Ցուցարարները որոշել են կանոնավորապես անցկացնել նմանատիպ ակցիաներ։ Հիշեցնենք, որ պաշտոնական տվյալներով՝ Վրաստանում գործազրկության մակարդակը կազմում է 15 տոկոս, մինչդեռ ոչ պաշտոնական տվյալներով՝ այդ ցուցանիշը կազմում է ավելի քան 50 տոկոս։
.gif)
