Ամերիկյան Ջոն Հոփկինսի համալսարանի փորձագետ պրոֆեսոր Ֆրեդերիկ Սթարը գտնում է, որ ղարաբաղյան կարգավորման հարցում Հայաստանն ինքնութույն չէ, քանի որ նրա վրա մեծ ազդեցություն ունեն արտերկրի հայ համայնքը և Ռուսաստանը:
Պատասխանելով ադրբեջանական day.az-ի հարցին, փորձագետը հաստատել է, որ դրանք երկուսն էլ շատ կարևոր գործոններ են:
«Հաճախ ասում են, որ Ռուսաստանը չի ձգտում հակամարտության կարգավորմանը, քանի որ այն հանդիսանում է Կովկասում ներկայության պահպանման միջոց: Այսպես թե այնպես, յուրաքանչյուրը պետք է հաշվարկի այն գինը, որն ինքը վճարում է ստատուս-քվոի պահպանության դիմաց», – ասել է Սթարը:
«Հայաստանը շատ մեծ գին է վճարում ներկա իրավիճակի համար: Նայեք այնտեղի զարգացման մակարդակին: Դուք այնտեղ չեք տեսնի այնպիսի տնտեսական կամ քաղաքական հետաքրքրություն, ինչպիսին կա Վրաստանում: Նույնիսկ Եվրասիական միությանն անդամակցությունը Հայաստանի համար ավելի շատ խնդիրներ կստեղծի, քան հնարավորություններ: Տեսեք, թե ինչ վիճակում է Հայաստանի տնտեսությունը», – հայտարարել է ամերիկյան փորձագետը:
Նրա խոսքով, Հայաստանը կարող էր Կովկասի վերականգնման լիիրավ մասնակից դառնալ, սակայն դա տեղի չունեցավ:
.gif)
