2011թ. հաշվետվության մեջ Տավուշի մարզպետ Արմեն Ղուլարյանն անդրադարձել է տարվա ընթացքում մարզի տարբեր ոլորտներում կատարված աշխատանքներին: Մարզպետի տարեկան հաշվետվությունը տեղադրված է մարզպետարանի ինտերնետային կայքում (www.tavush.gov.am): Հեռահաղորդակցության ոլորտում առկա իրավիճակը եւ հեռարձակվող հանրապետական հեռուստաալիքները ներկայացնելով` Ղուլարյանն անդրադարձել է նաեւ մարզում գործող տեղական հեռուստաընկերություններին եւ նշել. «Ունենք նաեւ 3 տեղական ծրագրեր` «RTV»-ն` Դիլիջանում, «Տավուշ»-ը` Նոյեմբերյանում եւ «Իջեւան ստուդիա»-ն` Իջեւանում»: Նախ ճիշտ չէ, որ մարզի ղեկավարը հեռուստաընկերությունները համարում է «ծրագրեր», հեռուստաընկերություններն ունենում են ծրագրեր: Բացի այդ, անհասկանալի է` ինչ է նշանակում «ունենք», մասնավոր հեռուստաընկերությունները հո մարզպետարանի կամ մարզպետի սեփականությունը չե՞ն, պետք է ասել` մարզում գործում են հեռուստաընկերություններ: Էլ չասած, որ 12 տարի պաշտոնավարող, Հայաստանի «ամենաերկարակյաց» մարզպետը չգիտի, որ Դիլիջանի «RTV» հեռուստաընկերությունն արդեն 3,5 տարի է, ինչ չի գործում: Այն հեռարձակման արտոնագիր չուներ եւ 2008թ. օգոստոսից դադարեց գործել:
Տավուշ
.gif)
