Այսօր ՏՄՊՊՀ նիստին զեկուցվեց, որ «Ջերմուկ» ընկերությունը հանձնաժողովին դիմում է ներկայացրել այն մասին, որ «Ջերմուկ Գոլդ» և «Արփի» ընկերություններն արտադրանքի պիտակավորման ժամանակ օգտագործում են «Ջերմուկ» ապրանքային նշանը, որը շփոթություն է առաջացնում իրենց ընկերության արտադրանքի նկատմամբ:
Հարուցված վարչական վարույթի ընթացքում հանձնաժողովը պարզել է նաև, որ բացի ուրիշին պատկանող ապրանքային նշանի նմանակումից՝ առկա է ևս մեկ խնդիր:
Համաձայն օրենքի՝ տվյալ ապրանքատեսակը կարող է կոչվել այս կամ այն աշխարհագրական տեղանվան անվանումով, եթե այն արտադրված է հենց տվյալ վայրում:
Տվյալ դեպքում «Ջերմուկ գոլդ» և «Արփի» ընկերությունների գործունեությունը հակասում է օրենքին:
Զեկույցից հետո տնտեսվարողները հայտնեցին, որ արդեն խախտումները վերացված են:
Այս առիթով հանձնաժողովը նախազգուշացում տվեց երկու տնտեսվարողներին էլ:
.gif)
