Նախկին «օրենքով գող» Ալեքսանդր Տիմոշենկոն, ով հայտնի է Տիմոխա մականունով, գնդակահարվել էր Օդինցովսկի շրջանի եկեղեցու մոտ. մայիսի 31-ին հայտնել է «Интерфакс»-ը՝ հղում անելով Մոսկվայի մարզի ՆԳՆ մամլո ծառայությանը:
Միջադեպը տեղի է ունեցել Զնամենսկոյե գյուղում: Անհայտ անձը գնդակահարել է քրեական հեղինակությանը եկեղեցու մուտքի մոտ: Ստացված վնասվածքներից տղամարդը տեղում մահացել է: Հանցագործին հաջողվել է փախչել, այդ կապակցությամբ մարզում հատուկ իրավապահ գործողություններ են իրականացվել, սպանության կապակցությամբ հարուցվել է քրեական գործ:
Բելոռուս Տիմոշենկոն եղել է ամենահեղինակավոր «օրենքով գողերից»:
Այս տարվա հունվարին նա ձերբակալվել էր Ռյազանսկոյե պողոտայի վրա գտնվող գիշերային հաստատություններից մեկի մոտ: Վաղաժամկետ-պայմանական կարգով ազատ արձակված Տիմոշենկոն իրավունք չուներ երեկոյան ժամերին տանից դուրս գալ: Ոստիկանության բաժանմունքում Տիմոխան հրաժարվել է գողական տիտղոսից, ինչից հետո քրեական շրջանակներում նրան սկսեցին մեղադրել ոստիկանության հետ կապերի մեջ:
.gif)
