Ազգային ժողովում շարունակվում է 2013թ. պետբյուջեի կատարողականի տվյալների քննարկումը:
Առաջինն իր գերատեսչության թվային տվյալները ներկայացրեց ՀՀ Էկոնոմիկայի նախարար Կարեն Ճշմարիտյանը:
Նա նշեց, որ 2013-ին ծախսերի համար նախատեսված է եղել 5.98 մլրդ դրամ, որից 3,8 մլրդ է ծախսվել, և այդ տարբերությունը եղել է արտաքին աջակցության հետ կապված խնդիրների պատճառով:
«Դա բացատրվում է նաև նրանով, որ այդ ծրագրերից մի քանիսն անցյալ տարվանից տեղափոխվել է նաև այս տարի: Մնացած մասերով 100 տոկոս կատարողական է: 582 մլն դրամի գումար է մուտք արվել բյուջե», – նշեց նա, հավելելով, որ կատարման հիմնական ծրագրերն են եղել արտահանման ուղղված ուղղությամբ տարվող աշխատանքների ֆինանսավորումը:
Անդրադառնալով փոքր և միջին ձեռնարկություննների զարգացմանն ուղղված ծրագրերին՝ նա նշեց, որ ՓՄՁ-ների աջակցության համար նախատեսված է եղել 150 մլն դրամ, որոնք ուղղվել են հիմնական հիմնադրամի և դրանց մարզային կառույցների աշխատավարձերին:
«Բացի այս գումարից՝ մոտ 1 մլրդ-ից ավել էր տրամադրված եղել ՓՄՁ-ների զարգացմանը», – եզրափակեց նա:
.gif)
