ՀՀ բնապահպանության նախարարը՝ Ժնևում

ՀՀ բնապահպանության նախարար Արամայիս Գրիգորյանը մասնակցել է հունիսի 2-ից 5-ը Ժնևում կայացած «Անդրսահմանային ենթատեքստում շրջակա միջավայրի վրա ազդեցության գնահատման մասին» կոնվենցիայի (էՍՊՈ կոնվենցիայի) կողմերի 6-րդ հանդիպմանը:

Միջոցառման շրջանակներում հունիսի 5-ին ՀՀ Բնապահպանության նախարար Արամայիս Գրիգորյանը հանդես է եկել ելույթով՝ ներկայացնելով Հայաստանի Հանրապետության դիրքորոշումը քննարկվող բնապահպանական հիմնախնդիրների վերաբերյալ: Այս մասին տեղեկացնում են ՀՀ բնապահպանության նախարարությունից: