Այս տարի ծիրանը ոսկու գին ունի․ «Չորրորդ իշխանություն»

«Չորրորդ իշխանություն» թերթը գրում է. «Բազմիցս խոսվել է, որ կարկտահարության արդյունքում այս տարի զրկվելու ենք ծիրանի բերքից: Այժմ արդեն հստակ է, որ հայկական խորհրդանիշ համարվող ծիրանն իրականում ոսկու գին ունի: Այսպես, օրինակ, «Երևան-Սիթի» և «Կրպակ» սուպերմարկետների ցանցում մեկ կգ ծիրան կարելի է գնել համապատասխանաբար 2600 և 2700 դրամով: «ՍԱՍ» սուպերմարկետների ցանցն էլ որոշել է ծիրանի թանկ գնով միանգամից չզարմացնել հաճախորդներին և 100 գրամ ծիրանի համար սահմանել է 682 դրամ: Սրանով, սակայն, չի փոխվում իրականությունը մեկ կգ ծիրանը կարելի է «ՍԱՍ»-ից գնել 6820 դրամով:

«Մոսկվիչկա» սուպերմարկետն էլ ներկայանում է ծիրանի տեսակների բազմազանությամբ՝ նույնքան բազմազան գնով: 8150 դրամ արժե, ինչպես ժողովրդի լեզվով ընդունված է անվանել՝ «մեղրի» համով ծիրանը, 3150 դրամ՝ «Արջանաբադ» տեսակինը, իսկ 3500 դրամով էլ կարելի է գնել սովորական ծիրան»:

Մանրամասները՝ թերթի այսօրվա համարում։