Ինչպես արդեն տեղեկացրել ենք, Հայաստանի մի շարք մարզերում այսօր ընթանում են տեղական ինքնակառավարման մարմնի ընտրություններ: Գորիսում և Ջերմուկում ընթանում են քաղաքապետի ընտրություններ:
Գորիսում քաղաքապետի պաշտոնի համար պայքարում են անկուսակցական Հրայր Յոլյանը և ՀՀԿ-ական Վաչագան Ադունցը, ում սատարում է Սյունիքի նախկին մարզպետ Սուրիկ Խաչատրյանը:
Armlur.am-ի հետ զրույցում անկուսակցական թեկնածու Հրայր Յոլյանն ասաց, որ կես ժամ առաջվա տվյալներով` ընտրություններին մասնակցել է 2200 մարդ: «Մինչ այս պահը որևէ խախտում կամ արտառոց միջադեպ չի արձանագրվել, ամեն ինչ նորմալ է ընթանում»,- ասաց Յոլյանը:
Հարցին` արդյոք կա վախի մթնոլորտ Գորիսում, քաղաքապետի պաշտոնի համար պայքարող թեկնածուն դրական պատասխանեց. «Այո, կա վախի մթնոլորտ, չեմ կարող ինչպես, բայց կա այդ վախը»: Անկուսակցական թեկնածուն, այնուամենայնիվ, իր ընտրվելու շանսերը բարձր է գնահատում:
Տեղեկացնենք, որ այսօր ընտրության է մասնակցել նաև Սյունիքի նախկին մարզպետ Սուրեն Խաչատրյանը: Վերջինս լրագրողների հետ զրույցում ասել է, որ վախի մթնոլորտ Գորիսում չկա:
.gif)
