Հուշարձանագետ, Հայկական ճարտարապետություննուսումնասիրող հիմնադրամի նախագահ Սամվել Կարապետյանը armlur.am-ի հետ զրույցում ասաց, որ Թուրքիան Հայոց ցեղասպանությունից հետո իրականացրել է նաև մշակութային ցեղասպանություն. « ՀՀ-ի սահմաններից դուրս, պատմական Հայաստանի սահմաններում ոչնչացվել է մոտ 250.000 հուշարձան»:
Հուշարձանագետի խոսքով` Արևմտյան Հայաստանում ընդամենը պահպանվել է եղածի 2-3 տոկոսը միայն:
Հարցին` հնարավո՞ր է Հայոց ցեղասպանության 100-ամյա տարելիցին ընդառաջ Թուրքիան քարոզչական և քաղաքական դիվիդենտներ շահելու նպատակով վերականգնի որոշ հուշարձաններ: Ի պատասխան Սամվել Կարապետյանն ասաց, ու խոսակցություններ կան, որ ուզում են ինչ-որ մի չափով վերականգնել Մշո Սբ Կարապետը, Խցկոնքի վանքը, որը պայթեցրել են 1950-ականներին: Անիում որոշ հուշարձաններ վերականգնեցին: «Վերջերս էլ վերականգնեցին Տիգրան Հոնենց եկեղեցին, սակայն համարեցին վրացական: Անիի Պարոնի պալատ կառույցը վերականգնեցին, բայց վրան գրեցին սելջուկյան ապարանք»,- ցավով ասաց հուշարձանագետը`հավելելով. «Ինչ էլ որ վերականգնում են, անկեղծ չեն»:
.gif)
