Արդեն մի քանի օր է, ինչ ՀՀ Ազգային Ժողովում լրագրողները, պատգամավորներն ու աշխատակազմն «ատամները զնգզնգացնելով» են ման գալիս: Խորհրդարանում աննկարագրելի ցուրտ է: Այս առնչությամբ «Ժողովուրդ»-ը զրուցեց ԱԺ աշխատակազմի ղեկավարի պաշտոնակատար Գագիկ Մխեյանի հետ:
-Ինչո՞ւ է ԱԺ-ում ցուրտ:
-Դեռեւս խորհրդային տարիներից, գիտեք, կենտրոնական մասնաշենքի ջեռուցման համակարգը վերանորոգման կարիք ունի: Գումարն էլ հատկացված է, որ վերանորոգվի: Նոր շեքնի ջեռուցման համակարգը քաշելիս համակցվել են էդ երկուսը, եւ երբեմն էդ համակցման արդյունքում խցանումներ են առաջանում, որը մենք տեղում վերացնում ենք: Բայց ընդհանուր հարցը կկարգավորվի ամռան ամիսների վերանորոգումից հետո:
-Այսինքն` այս ձմեռ պետք է սառե՞նք ԱԺ-ում:
-Չէ՛, բոլոր դեպքերում ցանկացած պահին, եթե թեթեւ խցանում լինի, անմիջապես կարգավորվում է հարցը:
-Հիմա չի աշխատում, ինչո՞ւ չի կարգավորվում: Իսկ կարո՞ղ է աշխատակազմի նախկին ղեկավար Գեղամ Ղարիբջանյանն է խցանումներ առաջացնում:
-Չ’է, չէ’, ես նման բան չեմ տեսնում, ազնվությամբ, որովհետեւ իսկապես դա է հիմնական պատճառը:
-Բա ինչո՞ւ հենց ԱԺ նախագահի ու կադրային փոփոխություններից հետո անմիջապես ցրտեց ԱԺ-ում:
-Դե սա տեխնիկական խնդիր ա: Չեմ կարծում, որ նման բան կա:
-Հիմա Դուք կոնկրետ օր չե՞ք կարող ասել` երբ են տաքանալու ԱԺ միջանցքները:
-Տաքը տաք ա, նորմալ ջերմաստիճան ա, ասում եմ` երբեմն լինում են խցանումներ:
-Այսօր կարմիր միջանցքում ցուրտ է:
-Դե հիմա… Ես Ձեզ ասում եմ` նորմալ վիճակ ա, բայց ասում եմ` երբեմն որ լինում ա էդ խցանումները, մենք կարգավորում ենք, էդքան բան:
.gif)
