Բրազիլական Սան-Պաուլու քազաքում միառելսային երկաթգծի կառուցման ժամանակ բետոնե սյունի անկման պատճառով 1 մարդ զոհվել է, ևս 2-ը՝ վիրավորվել:
Դեռևս պարզ չէ, թե ինչն է դարձել միջադեպի պատճառը: Այն տեղի է ունեցել ֆուտբոլի աշխարհի առաջնության առաջին խաղից հաշված օրեր առաջ, որը պետք է անցկացվի հենց Սան-Պաուլուում:
Նախատեսվում էր, որ 17,7 կմ երկարությամբ մոնոռելսը պետք է շահագործման հանձնվի մինչև ԱԱ-2014-ի սկիզբը: Մոնոռելսը պետք է միացներ տեղի օդանավակայանը մետրոյի երեք ճյուղերի հետ: Սակայն շինարարությունը ձգձգվեց:
Աշխարհի առաջնության համար Բրազիլիայում կառուցվող մարզական օբյեկտների շինարարության ժամանակ զոհվել է 8 շինարար:
Երկուշաբթի հայտնի է դարձել նաև, որ Սան-Պաուլուի մետրոյի աշխատակիցները երկու օրով դադարեցրել են գործադուլը`տեղական իշխանությունների հետ պայմանավորվելու նպատակով:
Ինչպես BBC-ին տեղեկացրել է արհմիությունների ներկայացուցիչը, եթե կազմակերպության 60 անդամները չվերականգնվեն աշխատանքում, բողոքի ակցիան կվերսկսվի ԱԱ-2014-ի բացման օրը:
Գործադուլավորների հանդիպումը կառավարության ներկայացուցիչների հետ անարդյունք էր եղել: Սան-Պաուլուի նահանգապետը պնդում է, որ աշխատանքից հեռացումների որոշումը չի կարող վերանայվել:
.gif)
