ԱԺ ոչ իշխանական ուժեր ՀՅԴ-ն, «Ժառանգությունը», ԲՀԿ-ն և ՀԱԿ-ը քիչ առաջ ներկայացրեցին իշխանությանն ուղղված 12 պահանջները և ժամանակ տվեցին մինչև սեպտեմբերի վերջ` առկա խնդիրները վերացնելու համար:
Մինչ 12 կետերը ներկայացնելը` «Ժառանգություն» խմբակցության ղեկավար Ռուբեն Հակոբյանը նշեց, որ այժմ իշխանության քայլերը համարժեք չեն ժողովրդի պահանջներին, երկրի առջև ստեղծված մարտահրավերներին: Նա ընդգծեց, թե «քառյակը» համոզված է, որ ստեղծված իրավիճակում անհրաժեշտ են համակարգային փոփոխություններ և անհապաղ միջոցառումներ:
Ներկայացվող 12 կետերն են`
1. Վերացնել կուտակային կենսաթոշակային համակարգի պարտադիր բաղադրիչը, հետ վերադարձնել աշխատավարձից պահված գումարները, նոր համակարգը ձևավորել կամավոր սկզբունքով:
2. Վերանայել տեսանկարահանող , լուսանկարահանող սարքերի, կարմիր գծերի գործող համակարգերը, համայնքային բյուջեի տեսակարար կշիռը հասցնել 75 %-ի, սահմանված տուգանքների առավելագույն չափերը չի կարող գերազանցել նվազագույն աշխատավարձի 10 տոկոսը:
3. Առնվազն երեք անգամ նվազեցնել շրջանառության հարկի դրույքաչափերը, ըստ մարզերի համաչափ զարգացման՝ առաջիկա երեք տարիներին փոքր շրջանառություն ունեցող սուբյեկտների համար շրջանառության հարկի դրույքաչափերը վերացնել, հանել սահմանի վրա ԱԱՀ գանձումը:
4. Առնվազն կրկնապատկել գյուղմթերքների արտադրության, ոռոգման ջրերի համար տրամադրվող վարկերի սուբսիդիան:
5. Գյուղատնտեսությունում տրված արտարժութային վարկերը վերածել դրամայինի:
6. Հաստատել «Նաիրիտ» -ի վերագործարկման ծրագիրը, վերադարձնել աշխատավարձերը:
7. Բացառել «Որոտան» ՀԷկ-երի համալիրի գույքի վաճառքն առանց Ազգային ժողովի համաձայնության:
8. Գործող տրանսպորտային համակարգում բացառել ուղևորափոխադրումների գնի բարձրացումը:
9. Ընդունել տնտեսական մենաշնորհները վերացնելու օրենսդրական փաթեթ:
10. Ընտրական օրենսգրքում անցկացնել փոփոխություններ, մյուս տարիներին ընտրություններն անցկացնել 100% համամասնականով և հրապարակել ընտրողների ցուցակները:
11. Ապահովել ընդդիմության մասին օրենսդրական փաթեթի ընդունումը:
12. Չստորագրել որևէ համաձայնագիր, որով Հայաստանի և Լեռնային Ղարաբաղի միջև կլինի անցակետ:
.gif)
