Պենտագոնը փորձարկել է «մարդ-սարդի» հանդերձանքը

Պենտագոնը հաջողությամբ փորձարկել է ալպինիստական հանդերձանքը, որը հետագայում, հնարավոր է, թույլ տա զինվորականներին հեշտությամբ մագլցել պատերով, ինչպես դա անում է «մարդ-սարդը»` հայտնի կինոնկարից. տեղեկացնում է The Daily Telegraph-ը:

Ծրագիրն իրականացվում է պաշտպանության նախարարության մասնագետների կողմից: Z-man անունը կրող ծրագրի շրջանակներում մասնագետները փորձել են մշակել այնպիսի սարքավորում, որը մարդկանց մասնակիորեն կօժտի սարդերի և մողեսների ունակություններով:

ԱՄՆ-ի պաշտպանության նախարարությունը հույս ունի, որ նոր սարքավորումները հետագայում կփոխարինեն պարաններին և սանդուղքներին:

«Մարդ-սարդի հանդերձանքի» առավելություններից մեկ այն է, որ դրա օգնությամբ շատ ավելի մեծ թվով մարդիկ կկարողանան պատով մագլցել, քան դա հնարավոր է ներկայումս. տեղեկացնում է INTERFAX.RU-ն: