Տնտեսագիտական համալսարանի ռեկտոր Կորյուն Աթոյանը, armlur.am-ի հետ զրույցում անդրադառնալով Ինֆորմացիոն ազատության կենտրոնի այսօրվա հայտարարությանը, թե տնտեսագիտական համալսարանը գաղտնի է պահում 1990-1991 թթ-ի շրջանավարտների ցուցակը, ասաց, որ գաղտնի պահելու որևէ խնդիր չկա:
«Այդ ցուցակը հանելու համար օրերով պետք է դնենք, արխիվում փնտրենք: Ես ինչպես տամ 20 տարվա ուսանողների ցանկը: Եթե կոնկրետ անուններ տա, կփորձենք արխիվից այդ մարդկանց գործերը հանել»,- մանրամասնեց Աթոյանը:
Ինչ վերաբերում է ԻԱԿ-ի իրավաբանի` շրջանավարտների ցանկին տեղում ծանոթանալու առաջարկին, որը ևս մերժվել է տնտեսագիտական համալսարանի կողմից (որն էլ Ինֆորմացիոն ազատության կենտրոնը համարել է տեղեկություն ստանալու սահմանադրական իրավունքի խախտում), Աթոյանը չհամաձայնեց` ասելով. «Չեմ կարծում, որ տեղեկություն ստանալու սահմանադրական իրավունքը խախտվել է: Դուք իրեն վերցրեք, եկեք արխիվ, տեսնեմ` ինչպես է արխիվից դա հանելու»:
.gif)
