Համակարգչային Defense of the Ancients 2 խաղի երկրպագուներն օգնել են Արիզոնայի ոստիկանությանը բռնել հանցագործին, որը ներխուժել էր Նիկկի Էլիզի բնակարան: Խաղին մասնակցելու նպատակով միացված վեբ-տեսախցիկի միջոցով խաղացողներն իրենց ծանոթ կնոջ բնակարանում նկատել են երկու զինված մարդկանց: Վիրտուալ զվարճանքների սիրահարները մոտավորապես տեղյակ են եղել նրա բնակարանի գտնվելու վայրի մասին:
Դեպքի վայր հասած ոստիկանները կարճատև հետապնդումից հետո կարողացել են ձերբակալել կասկածյալներից մեկին: Երկրորդին հաջողվել է փախչել. նա այժմ հետախուզվում է, տեղեկացնում է Lenta.ru-ն:
Ոստիկանությունում հայտնել են, որ հանցագործի ձերբակալմանը վիրտուալ մասնակցություն են ունեցել համակարգչային խաղի տարբեր երկրների երկրպագուներ: Բոլոր գեյմերները փորձել են միանալ ոստիկանությանը, այնուհետև օնլայն հետևել են օպերացիայի ընթացքին:
.gif)
