Այսօր բարիք գործելու միջազգային օրն է

Այսօր ամբողջ աշխարհոմ նշվում է ինքնաբուխ բարություն գործելու օրը ( Random Act of Kindness Day): Այս ոչ պաշտոնական տոնին բարեգործական կազմակերպություններն առաջարկում են բոլոր մարդկանց՝ անկախ ապրելու վայրից, քաղաքացիությունից ու ազգությունից, որևէ բարի գործ կատարել: Ինքնաբուխ բարության միջազգային օրվա կազմակերպիչները կոչ են անում կարեկից լինել ուրիշի վշտին և չմոռանալ անշահախնդիր բարության մասին: ԱՊՀ երկրներում այս տոնն առայժմ լայն տարածում չունի: Այնուամենայնիվ, որոշ հասարակական կազմակերպություններ բարեգործական միջոցառումներ են կազմակերպում: