Պայթուցիկ սարք`Ուկրաինայի նախագահի նստավայրի մոտ

Հունիսի 13-ի լույս 14-ի գիշերը Ուկրաինայի նախագահի վարչակազմի շենքի Բանկովայա փողոցի վրա գտնվող մուտքի մոտ Պետական պահպանության վարչության պարեկը պայթուցիկ սարք է հայտնաբերել:

Ինչպես տեղեկացնում է УНИАН-ը, սարքը բաղկացած է եղել մի քանի Ф-1 և РГД նռնակներից, հավելյալ վնասող տարրերից և բջջային հեռախոսից:

Պայթուցիկ սարքը տեղադրողը նկատվել է, սակայն կարողացել է փախչել դեպքի վայրից՝ չհասցնելով մարտական վիճակի բերել պայթուցիկը: