Լեռնային Ղարաբաղի Հանրապետության անկախությունն այլընտրանք չունի,- այսօր լրագրողներին փոխանցեց ՀՀԿ-ական պատգամավոր Գագիկ Մելիքյանը, սա փետրվարի 16-18-ը ԼՂՀ-ում կայացած “Լեռնային Ղարաբաղի Հանրապետության անկախության 20-ամյակ” խորագրով գիտաժողովին մասնակցած պատվիրակությունների հիմնական եզրակացությունն էր:Նա հայտնեց, որ գիտաժողովին մասնակցել են ԱՄՆ, ՌԴ, Չեխոսլովակիայի, Գերմանիայի, Հունաստանի, Մեծ Բրիտանիայի, Լեհաստանի՝ ընդհանուր առմամբ մոտ 15 երկրների պատվիրակություններ: “Բոլոր պատվիրակությունների ելույթներում նշվեց այն հանգամանքը, որ ԼՂ անկախությունն այլեւս անշրջելի է”,- ասաց Գ. Մելիքյանը:Ըստ բանախոսի՝ գիտաժողովի պատվիրակները համոզված են, որ բանակցային գործընթացին Արցախը պետք է մասնակցի, իսկ Մինսկի խմբի ձեւաչափը փոփոխման ենթակա չէ: Հունաստանի պատվիրակը նույնիսկ մաթեմատիկական հաշվարկներով է ապացուցել, որ ԼՂ անկախությանն այլ տարբերակ չկա:
.gif)
