Բրազիլիայում ընթացող ֆուտբոլի 2014թ. աշխարհի առաջնության շրջանակներում այսօր տեղի ունեցավ A խմբի երկրորդ տուրի հանդիպումները: Խաղադաշտ էին դուրս եկել Բրազիլիայի և Մեքսիկայի հավաքականները: Մինչ այս խաղը նրանք երկուսով գլխավորում էին A խմբի մրցաշարային աղյուսակը:
Խաղի առաջին խաղակեսում թիմերն ունեին գոլային պահեր, սակայն երկու կողմերն էլ չկարողացան հաջողության հասնել և ընդմիջման գնացին 0:0 հաշվով:
Մեքսիկացիները շատ վստահ էին սկսել խաղը և Բրազիլիայի ընտրանու գրոհներին պատասխանում էին հակագրոգներով: Հանդիպման տեմպն առաջին խաղակեսում բավական բարձր էր:
Երկրորդ խաղակեսում բրազիլացիները շատ ակտիվ էին գործում, սակայն իրենց գոլային պահերը չկարողացան օգտագործել: Շատ լավ էր գործում Մեքսիկայի դարպասապահը, ով կարողացավ դիմակայել Բրազիլիայի հավաքականի ֆուտբոլիստների հարվածներին:
Բազմաթիվ սպառնալիքների հետ մեկտեղ Մեքսիկայի պաշտպանները շատ վստահ էին գործում և առանց խուճապի: Այս խաղի հերոսը կարող է համարվել Մեքսիկայի դարպասապահ Գիլյերմո Օչոյան: Խաղն ավարտվեց գոլազուրկ` 0:0 հաշվով:
ԱԱ-2014. A խումբ, երկրորդ տուր
Բրազիլիա -Մեքսիկա`0:0
.gif)
