Ազգային ժողովում ՀԱԿ խմբակցության քարտուղար Արամ Մանուկյանի ելույթից հետո արտահերթ ելույթով հանդես եկավ ԱԺ փոխնախագահ Էդուարդ Շարմազանովը.
«Պարո՛ն Մանուկյան, ձեր ֆրակցիայի համարյա կեսը ձեր հետ չի: Դուք մեզ մեղադրում եք, որ այլ քաղաքական ուժեր մեզ հետ չեն, դուք մի հատ ձեր դարդը լացե՛ք»,-կոչ արեց նա:
Նա իր ելույթում անդրադարձավ նաև ՀՅԴ պատգամավոր Արծվիկ Մինասյանի մասին հնչած հայտարարություններին: «Կարծում եմ՝ կարիք չկա պարոն Արծվիկ Մինասյանին մեզնից պաշտպանել: Արծվիկ Մինասյանը մեզնից մեկն է, ինչպես մեզնից յուրաքանչյուրը: Երեկ նիստը վարել եմ, և եթե խոսքը վերաբերում է Վահրամ Բաղդասարյանին, նա որևէ անհարգալից վերաբերմունք Արծվիկ Մինասյանի նկատմամբ թույլ չի տվել»,-ասաց Շարմազանովը:
Նշենք, որ երեկվա նիստի ժամանակ ՀՀԿ խմբակցության ղեկավար Վահրամ Բաղդասարյանն իր ելույթում ասել էր, թե ՀԱԿ որոշ ներկայացուցիչներ փչացնում են Արծվիկ Մինասյանի նման գյոզալ տղուն:
.gif)
