ԱԺ այօրվա արտահերթ նիստում ԲՀԿ խմբակցության պատգամավոր Միքայել Մելքումյանն իր ելույթում հիշեց, թե ինչպես էր խորհրդարանում նստած ՀՀ նախկին վարչապետ Տիգրան Սարգսյանին կոչ արել քաղաքական համարձակություն դրսևորել և հետաձգել պարտադիր կուտակայինը։
«Տիգրան Սարգսյանն ուղղակի ժպտաց և ասաց՝ բոլոր քննարկումներն ավարտվել են։ Ես ասացի՝ եթե մի ռեֆորմ վերաբերում է ամբողջ հանրությանը, և այդ հանրությունը չի պաշտպանում դա, ուրեմն շատ բարդ է լինելու իրականացնել», – նշեց Մելքումյանը։
Վերջինս կարծում է, որ եթե նոր կառավարությունն ուզում է տարբերվել նախորդից, պետք է հրաժարվի որոշումներ կայացնելու քաղաքական մենաշնորհից։ «Հարյուրտոկոսանոց մենաշնորհը ոչ մի լավ բանի չի բերում, լճացմա՛ն է բերում», – շեշտեց նա և հավելեց.
«ԲՀԿ–ն դե՛մ է այս տեսքով այս ռեֆորմի իրականացմանը, և կարծում ենք, որ սա ոչ թե կոսմետիկ, այլ լրջագույն վերաիմաստավորման կարիք ունի», – եզրափակեց նա:
.gif)
