Այսօր Երևանի Աջափնյակ համայնքի 16-րդ թաղամասի շենքերի մոտ հավաքվել էին մի խումբ երիտասարդներ և «Ոչ էլեկտրաէներգիայի թանկացմանը» գոռալով և ՀՀ եռագույնը ձեռքներին՝ շրջում էին 16-րդ թաղամասում:
Բնակիչներն Armlur.am-ին հայտնեցին, որ այս պահին մի քանի շենքում էլեկտրաէներգիա չկա և դեռ չգիտեն` երբ կլինի:
Բողոքող երիտասարդներից մեկը կոչ է անում բոլորին հավաքվել և միասին լուծել խնդիրը:
«Ոչ ոք մեր խնդիրը մեր փոխարեն չի լուծելու: Ո՛չ թանկացմանը»,- գոռում են երիտասարդները, ինչին բնակիչները «Այո» են պատասխանում:
Բնակիչներից մեկը հայտնեց, որ հունիսի 23-ին` երկուշաբթի օրը, ժամը 12:00-ին իրենք պատրաստվում են հավաքվել Հանրային ծառայությունները կարգավորող հանձնաժողովի շենքի մոտ և բողոքի ակցիա կազմակերպել:
.gif)
