«Շիրակը» և «Կրասնոդարը» ստորագրեցին համագործակցության պայմանագիր

«Շիրակ» ֆուտբոլային ակումբը և «Կրասնոդար» ֆուտբոլային ակումբը ստորագրեցին համագործակցության  պայմանագիր:

Համագործակցության շրջանակներում կիրականացվեն տարբեր մակարդակի  փորձի փոխանակումներ, կանցկացվեն ընկերական հանդիպումներ հիմնական և պատանեկան թիմերի միջև: Համագործակցությունը նախատեսում է նաև մի շարք այլ կետեր:

Այս համագործակցության վառ ապացույց է «Կրասնոդարի» ակադեմիայի երկու  երիտասարդ ֆուտբոլիստների տեղափոխվելը  «Շիրակ»: Անդրեյ Գամալյանը և Վսեվոլոդ Երմակովը հանդես կգան հայկական ակումբում վարձավճարով: Նաև ընթացքի մեջ է «Շիրակի» պատանի ֆուտբոլիստի տեղափոխվելը Կրասնոդար:

Տվյալ համագործակցությունը իրականացվում է Football Friends գործակալության աջակցությամբ: